Ұйғыр лағманы

Құрамы: Ет – 500 грамм, пияз – 3 дана, картоп – 4 дана, сәбіз – 2 дана, редка – 1 дана, қызанақ – 1 дана және томат.
Қамырына: су -1 кесе, ұн – 1 кесе, жұмыртқа – 1 дана және тұз.
Ұйғыр лағманын дайындау рецепті:
Барлық қоспаларды майдалап турап аламыз. Қазанға майды құйып, етті қуырамыз артынан сәбіз, пияз, қызанақ, редка, картоп, барлығын шетінен салып, жақсылап қуырамыз да томат қосып, су құйып отты бәсеңдетіп қоямыз. Тұз салуды ұмытпаңыз.
Енді кеспемізді дайындап аламыз. Жұмыртқаны тұз , су, ұн қосып жақсылап қамыр илейміз. Қамырды 20 минутқа бетін жауып қойып қоямыз.
Тұрған қамырымызды алып пышақпен бірнеше бөліктерге боліп, май жағып қамырды созамыз.
Бірнеше рет созғаннан кейін, қамырды дастарханға ұру керек. Дайын кеспемізді қайнап тұрған тұз салынған суға салып пісіріп алыңыз. Кесемізге кеспені салып үстінен дайын сорпасын құямыз. Бетінен аскөк сеуіп беруіңізге де болады. Асыңыз дәмді болсын!