«Қазсушар» РМК Жамбыл облыстық филиалына қарасты Ақкөл өндірістік бөлімшесі суару маусымына дайындық жұмыстарын қарқынды жүргізуде.
Бөлімше мамандары су пайдаланушы шаруалармен тығыз байланыста жұмыс атқарып, суару желілерін ретке келтіру шараларын жүзеге асыруда. Бірлескен жұмыстар аясында арналар бойындағы тал-дарақтар мен қоқыстар тазартылып, су өткізу қабілеті жақсартылуда.
Мұндай жұмыстар суармалы судың ысырапсыз әрі уақытылы егістік алқаптарына жетуін қамтамасыз етіп, шаруалардың өнімді еңбек етуіне қолайлы жағдай жасауда.
