Тараз қаласындағы №1 Әлихан Бөкейханов атындағы гимназиясында педагогтарға арналған «Академиялық адалдық қағидаттары және оларды сақтау жолдары» тақырыбында мазмұнды дәріс өтті.
Іс-шара Жамбыл облысы әкімдігінің ақпарат және қоғамдық даму басқармасы мемлекеттік әлеуметтік тапсырысы аясында ұйымдастырылды.
Дәріске гимназия ұжымы мен педагогтар қатысып, білім беру үдерісіндегі адалдық қағидаттарының маңызы жан-жақты қарастырылды. Жиын барысында академиялық адалдық ұғымы, оның негізгі талаптары мен білім сапасына әсері туралы кеңінен баяндалды.
Іс-шараға арнайы шақырылған спикерлер – Тараз қалалық мәслихатының депутаты Әсел Жапарова Әбілханқызы және «Әділдік жолы» РҚБ Жамбыл облыстық филиалының жетекшісі Назима Жұбандықова қатысып, тақырып аясында мазмұнды баяндамалар жасады.
Спикерлер өз сөздерінде педагогтердің әділ бағалау жүргізудегі жауапкершілігіне, оқушылар арасында адалдық мәдениетін қалыптастырудың маңыздылығына тоқталды. Сонымен қатар, плагиаттың алдын алу, ашықтық қағидаттарын сақтау және кәсіби этиканы ұстану мәселелері кеңінен түсіндірілді.
Кездесу барысында қатысушылар пікір алмасып, өзекті сұрақтарға жауап алды. Дәріс педагогтердің кәсіби біліктілігін арттыруға және адалдық қағидаттарын тәжірибеде тиімді қолдануға бағытталды.
Іс-шара қорытындысында академиялық адалдық – сапалы білім мен әділ қоғам қалыптастырудың негізгі тірегі екені атап өтілді.
Аталған дәріс «Адал қоғам» ҚБ ұйымдастыруымен өтті.
