Cарысу ауданының әкімі Сәкен Мамытовтың тапсырмасына сәйкес, өткен жылы Мемлекет басшысы Қасым- Жомарт Тоқаевтың бастамасымен жарияланған «Таза Қазақстан» акциясын тұрғындарға түсіндіру мақсатында бүгін қала тұрғындарымен кездесу өткізілді. Кездесуге аудан әкімінің орынбасары Жанғозы Жаркенов, қала әкімі Ильяс Домалақов, мекеме, бөлім басшылары мен аудандық мәслихат депутаты Галина Мороз қатысты.
Күн тәртібінде «Таза Қазақстан» акциясы барысындағы сенбілікке қала тұрғындарының қатысуы, қысқы маусымға тұрғын үйлердің дайындық барысы, коммуналдық қызметтерге төлемді уақытылы жасау және меншік иелерінің бірлестігін құру туралы түсіндіру мәселелері көтерілді. Тұрғындар жүздесуде көкейкесті сұрақтарын қойып, өзекті мәселелерді ортаға салды. Аудан әкімінің орынбасары Жанғозы Өмірғалиұлы көтерілген мәселелердің шешілу жолдары бойынша жауапты тұлғаларға тиісті тапсырмалар жүктеді. Кездесулер жоспарға сәйкес алдағы уақытта да жалғаса бермек.