7 мамыр – Отан қорғаушылар күні мен 9 мамыр – Жеңіс күні қарсаңында Қайрат ауылындағы Бауыржан Момышұлы мұражайы алдында тағылымы терең, рухы биік патриоттық жиын өтті.
Аудан прокуратурасының ұйымдастыруымен өткен «Ерлікке тағзым – ұрпаққа аманат» атты іс-шара қазақтың біртуар перзенті, Кеңес Одағының Батыры Бауыржан Момышұлының асқақ рухына арналды.
Шара барабаншылардың салтанатты үнімен басталып, батыр туралы әндер шырқалып, көпшілікке ерекше рух сыйлады. Жиналған қауым ең алдымен батыр ескерткішіне гүл шоқтарын қойып, оның ерлігіне тағзым етті.
Бір минут үнсіздік жарияланып, ел үшін жанын қиған ерлердің рухына құрмет көрсетілді.
