Қоғамдық көліктегі әрекеті видеоға түсіп қалған ер адам жауапқа тартылды. Бішкекте қоғамдық көлікте жасөспірім қызға қатысты орынсыз әрекет жасады деген күдікпен егде жастағы ер адам ұсталды, деп хабарлайды Politico.kz.
Оқиға 11 мамыр күні әлеуметтік желілерде тараған бейнежазбадан кейін қоғам назарын аударды. Кадрларда ер адамның кәмелетке толмаған жолаушының жеке кеңістігін бұзып, оған қолайсыз жағдай туғызғаны байқалады. Куәгердің ескертуінен кейін ол әрекетін тоқтатқан.
Құқық қорғау органдары жүргізген тексеру барысында күдіктінің жеке басы анықталды. Ол 1957 жылы туған азамат болып шыққан.
Аталған дерек бойынша ер адамға Қырғыз Республикасының Әкімшілік құқық бұзушылық туралы кодексінің «Ұсақ бұзақылық» бабымен хаттама толтырылды.
Кейін ол Республикалық психикалық денсаулық орталығына жатқызылған. Қазіргі уақытта құзырлы органдар оқиғаның барлық мән-жайын анықтап жатыр.
Дереккөз: https://politico.kz/kz/article/avtobusta-zeynetker-hidzhabtagy-zhasospirim-qyzga-tiisken?fbclid=IwY2xjawSSBa1leHRuA2FlbQIxMQBzcnRjBmFwcF9pZBAyMjIwMzkxNzg4MjAwODkyAAEe2TCP0TUx2KH7uecW6XWm__rlIcXRovAYNEw0VItgrjK1E_XHYa7siYqvZfI_aem_qiyUHziqDATEVRoZwyodUg
