Жамбыл ауданының Айша бибі ауылдық округінде тұрғындармен сыбайлас жемқорлықтың алдын алу бағытында кездесу өтті.
Іс-шара Жамбыл ауданы әкімдігінің ішкі саясат бөлімі мен «Адал қоғам» қоғамдық бірлестігінің ұйымдастыруымен өткізілді.
Кездесу барысында «Әділдік жолы» республикалық қоғамдық бірлестігінің Жамбыл облыстық филиалының жетекшісі Назима Дәрменқызы сыбайлас жемқорлықтың алдын алу, қоғамда адалдық қағидаттарын қалыптастыру, азаматтардың құқықтық сауаттылығын арттыру және жемқорлыққа қарсы мәдениетті нығайту мәселелері бойынша жан-жақты ақпарат берді.
Сонымен қатар тұрғындардың сұрақтарына жауап беріліп, ашық пікір алмасу өтті. Мұндай кездесулер қоғам мен мемлекеттік органдар арасындағы өзара сенімді нығайтып, заң үстемдігін және ашықтық қағидаттарын ілгерілетуге ықпал етеді.
