Байзақ ауданы орталық ауруханасында қоғамда сыбайлас жемқорлыққа қарсы мәдениетті қалыптастыру мақсатында «Сыбайлас жемқорлықсыз қоғам – әр азаматтың рөлі» тақырыбында дөңгелек үстел өтті.
Іс-шара Жамбыл облысы әкімдігінің Ақпарат және қоғамдық даму басқармасының қолдауымен, «Адал қоғам» қоғамдық бірлестігінің ұйымдастыруымен өткізілді.
Дөңгелек үстел барысында сыбайлас жемқорлықтың алдын алу, қоғамда адалдық пен парасаттылық қағидаттарын нығайту, азаматтардың құқықтық сауаттылығын арттыру және әр адамның жемқорлықсыз қоғам қалыптастырудағы жауапкершілігі туралы маңызды мәселелер талқыланды.
Іс-шараға «Әділдік жолы» республикалық қоғамдық бірлестігінің Жамбыл облыстық филиалының жетекшісі Назима Дәрменқызы қатысып, сыбайлас жемқорлыққа қарсы мәдениетті қалыптастырудың маңыздылығына тоқталды.
Жемқорлықпен күрес – тек мемлекеттік органдардың ғана емес, әрбір азаматтың ортақ міндеті. Адалдықты өмір салтына айналдырып, заң талаптарын құрметтеу арқылы ғана әділетті әрі парасатты қоғам құра аламыз.
Сыбайлас жемқорлықсыз қоғам – әрқайсымыздан басталады!
