Байзақ ауданында саяси партия мүшелерінің қатысуымен қоғамда сыбайлас жемқорлыққа қарсы мәдениетті қалыптастыруға бағытталған «Сыбайлас жемқорлықсыз қоғам – әр азаматтың рөлі» тақырыбында дөңгелек үстел өтті.
Іс-шара Жамбыл облысы әкімдігінің Ақпарат және қоғамдық даму басқармасының қолдауымен, «Адал қоғам» қоғамдық бірлестігінің ұйымдастыруымен өткізілді.
Кездесу барысында сыбайлас жемқорлықтың алдын алу, қоғамда адалдық, әділдік және парасаттылық қағидаттарын нығайту, азаматтардың құқықтық сауаттылығын арттыру және әр азаматтың жемқорлыққа қарсы іс-қимылдағы жауапкершілігі кеңінен талқыланды.
Іс-шараға «Әділдік жолы» республикалық қоғамдық бірлестігінің Жамбыл облыстық филиалының жетекшісі Назима Дәрменқызы қатысып, сыбайлас жемқорлыққа қарсы мәдениетті қалыптастырудың маңыздылығына тоқталды. Сондай-ақ қоғамның барлық мүшелерін заң талаптарын сақтауға, адалдық пен жауапкершілік қағидаттарын берік ұстануға шақырды.
Сыбайлас жемқорлықпен күрес – тек мемлекеттік органдардың ғана емес, әрбір азаматтың ортақ міндеті. Қоғамдағы оң өзгеріс әр адамның өзінен басталады.
Адалдықты таңдасақ – әділетті қоғам құрамыз!
Сыбайлас жемқорлықсыз қоғам – әрқайсымыздан басталады!
