Байзақ ауданында бизнес қауымдастық өкілдерімен қоғамда сыбайлас жемқорлыққа қарсы мәдениетті қалыптастыру мақсатында «Сыбайлас жемқорлықсыз қоғам – әр азаматтың рөлі» тақырыбында дөңгелек үстел өтті.
Іс-шара Жамбыл облысы әкімдігінің Ақпарат және қоғамдық даму басқармасының қолдауымен, «Адал қоғам» қоғамдық бірлестігінің ұйымдастыруымен өткізілді.
Кездесу барысында кәсіпкерлік саласындағы ашықтық пен адалдық қағидаттарын нығайту, сыбайлас жемқорлық тәуекелдерінің алдын алу, заң талаптарын сақтау және бизнес өкілдерінің қоғамдағы сыбайлас жемқорлыққа қарсы мәдениетті қалыптастырудағы жауапкершілігі талқыланды.
Іс-шараға «Әділдік жолы» республикалық қоғамдық бірлестігінің Жамбыл облыстық филиалының жетекшісі Назима Дәрменқызы қатысып, сыбайлас жемқорлыққа қарсы мәдениетті қалыптастырудың маңыздылығына тоқталды.
Таза әрі ашық бизнес ортаны қалыптастыру – экономиканың тұрақты дамуының маңызды кепілі. Кәсіпкерлердің заң талаптарын сақтауы, адал бәсекелестікті қолдауы және парасаттылық қағидаттарын ұстануы – қоғамдағы оң өзгерістердің негізі.
Сыбайлас жемқорлықсыз қоғам – ортақ жауапкершілік пен адал ұстанымнан басталады!
