https://turkystan.kz/article/258641-besiktin-bas-zagyna-nege-pysaq-qoiady-qazaq-yrymdarynyn-tusinktemesi
Ырымдар мен тыйымдар халық арасында ерте кезден қалыптасып, бүгінгі күнге дейін жетті. Әрбір тыйым бекер айтылмаған, әрқайсысының тәрбиелік мәні бар. Біз ел арасында кең таралған тыйым сөздердің түсініктемесін іздеп, бірқатарын оқырман назарына ұсынуды жөн көрдік.
- Қыз балаға шашы өссін деп желке жегізеді.
- Ұртын не тілін тістеп алған адамның үйіне ашыққан кісі келеді.
- Екіқабат әйелге ине-жіп ұстатпайды. Себебі, баласы кіндігіне оралып қалады деп ырымдаған.
- Қызға жілік ұстатпайды. Ұстатса күйеуге шықпай оң жақта көп отырып қалады дейді.
- Ит ұлыса – жамандық болады.
- Мал сойғанда төс шеміршегін кесіп алып, жарға не босағаға лақтырғанда жабысып қалса ол үйдің аты жүйрік болады.
- Бесіктің бас жағына пышақ, қайрақ, қамшы қояды, немесе үкінің тұяғын, кірпінің терісін, жыланның бас сүйегін тағады. Мұндайда шайтан жылан, жәндік тышқан келмейді деп жорыған.
- Мал сатқанда оны ноқтасымен не бас жібімен бермейді. Себебі малдың басы кемиді деп ырымдайды.
- Мысыққа тамақ бергенде «ертең ұмытып кетесің» деп маңдайынан шертіп береді.
- Мал үшеу не төртеу (үш не төрт төл) туса – олардың біреуін бауыздап, босағаға көмеді.
Деректер Сейіт Кенжеахметұлының «Жеті қазына» кітабынан алынды.
