Танымал отандық әнші Димаш Құдайберген Токио джаз фестивалінде жапон тілінде ән шырқайды. Продюсер Хироюки Яманака атап өткендей, жапондықтар қазақстандық әншінің вокалдық қабілетіне және еліміздегі музыка мәдениетінің даму деңгейіне тәнті.
Жапондық джаздың мерейтойлық фестивалі 28 қарашада өтеді. 20 жылдық мерейтойын атап өту үшін көрермендер алдыңғы жылдары Токио джаз фестиваліне қатысқан талантты музыканттармен кездеседі. Шарада Димаш Құдайберген де сөз сөйлейді, деп хабарлайды DimashNews.
Танымал продюсер, әлемдегі ең ірі NHK телекомпанияларының бірінің өкілі Хироюки Яманака жапондық жанкүйерлері қазақстандық орындаушының сахнаға шығуын тағатсыздана күтетінін атап өтті.
«Димаштың былтырғы Токио джаз фестиваліне қатысуы бүкіл әлемде сенсацияға айналды. Сонымен қатар, оның біздің елде де танымалдығы орасан өсті. Көптеген жапондықтар Димаштың вокалдық шеберлігіне, сондай-ақ Қазақстанның музыкалық мәдениетінің жоғары деңгейіне тәнті болды. Димаш 24 мамырда өз туған күнінде өнер көрсетеді. Біз бұл тағдырдың сыйы деп ойлаймыз», — деді ол.
Айта кетейік, Токио джаз фестивалінің сахнасында Чик Кориа, Маркус Миллер, Пат Метени, Чака Хан және басқа да көптеген әлемге әйгілі музыканттар өнер көрсетті. Фестиваль құрылған сәттен бастап тек джазға ғана емес, сонымен қатар музыканың басқа да көптеген жанрларына зор ықпал еткен атақты музыкант Харби Хэнкоктың жетекшілігімен өтті. 28 қарашада тікелей эфирде Харби Хэнкок Лос-Анджелестен өзінің эксклюзивті қойылымын көрсетеді.
