Ведомствоның мәліметінше, жұма күні, яғни 10 сәуірде аударылған қаражат «Азаматтарға арналған үкімет» мемлекеттік корпорациясының шоттарына дүйсенбі, 13 сәуірде келіп түскен. Осыған байланысты қаражатты алушылардың банк карталарына кезең-кезеңімен аудару жұмыстары енді ғана басталды.
Министрлік мемлекет тарапынан барлық міндеттемелердің толық көлемде орындалғанын және ешқандай берешек жоқ екенін баса айтты. Қазіргі уақытта техникалық кідірістер реттеліп жатыр, ал ақша жақын арада барлық алушылардың шотына толық түседі.
Айта кетейік, Қазақстанда бала күтіміне арналған мемлекеттік жәрдемақы мен әлеуметтік төлемдер ай сайын тұрақты түрде беріледі. Әдетте төлемдер айдың алғашқы онкүндігінде аударылады, алайда мереке немесе демалыс күндеріне сәйкес келген жағдайда транзакция уақыты өзгеруі мүмкін.
фото; gov.kz
