Көліктегі орындықты үнемі қыздырып отыру қуық асты безі аденомасы немесе қуық асты безі қатерлі ісігіне әкелуі мүмкін. Бұл жайлы «Газете.Ru«-ге уролог Александр Белопольский айтып берді, — деп хабарлайды Massaget.kz тілшісі.
«Қызып тұрған орындық жайлылық сыйлайды, алайда ол ерлердің қуық асты безіне жағымсыз әсер етеді. Қуық асты безінің гипертермиясы (қызып кетуі) пайда болады, бұл болашақта простата безінің өздігінен өсуіне және түйіннің өсуі — простата аденомасы сияқты аурудың пайда болуына әкелуі мүмкін», — деді дәрігер.
Қуық асты безінің қатерлі ісігінің маркері — қанның ПСА (простата спецификалық антигені) мөлшері жоғарылаған кезде көліктегі орындықтың үнемі қызып тұруы жылдам дамитын қатерлі ісікке әкелуі мүмкін, деп атап өтті дәрігер.
«Сонымен қатар, қыздыру простатиттің кенеттен қайталануына әкелуі мүмкін, егер бұрын ол диагноз қойылған болса. Сондай-ақ, орындықтарды үнемі жылыту аталық ұрық безінің қызып кетуіне әкелуі мүмкін, бұл бедеулікке немесе ұрықтылықтың күрт төмендеуіне әкеледі», — деп түсіндірді Белопольский.
Бұл жағымсыз салдарларға жол бермеу үшін көліктегі орындықты жылытып, содан кейін оны өшіріп тастау керек.
https://massaget.kz/news/kolkteg-oryindyiktyi-kyizdyiru-erler-ushn-nesmen-kaupt-124235/?fbclid=IwY2xjawH_delleHRuA2FlbQIxMQABHUW04vkZJKkstjVC88YBdNffgne6njifFjMT0u99TfXy0QCuw0bo4xZDrw_aem_H0Fj-VaAUMZBf7vEE-bbtA
