gov.kz
https://turkystan.kz/article/265370-kitapxanasylar-arasynda-abaidyn-alyp-aidyny-respublikalyq-zyr-musairasy-otti
Мәдениет және ақпарат министрлігінің қолдауымен ҚР Ұлттық академиялық кітапханасы тұңғыш рет кітапханашылар мен кітапхана саласында қызмет ететін ақындар арасында «Абайдың алып айдыны» тақырыбында республикалық жыр мүшәйрасын ұйымдастырды, деп хабарлайды turkystan.kz.
Іс-шара Абай Құнанбайұлының 180 жылдық мерейтойына арналды. Байқаудың мақсаты – мәдениет пен әдебиетті, ұлттық ғылым мен өнерді қолдау, кітапхана мен кітапханашы еңбегін насихаттау.
Жыр додасына еліміздің түкпір түкпірінен 100-ге жуық үміткер өтінім жіберіп, ақтық сында 75 қатысушы өзара бақ сынады.
Жыр мүшәйрасының жүлдегерлері мен арнайы номинация иелеріне арнайы ақшалай сыйлықтар мен дипломдар, «Абай – 180 жыл» мерейтойлық төсбелгілері табысталды.
Толық нұсқасына гиперсілтеме беруді ұмытпаңыз: https://turkystan.kz/article/265370-kitapxanasylar-arasynda-abaidyn-alyp-aidyny-respublikalyq-zyr-musairasy-otti
