«2025 жылдың 25 қаңтарында QAZAQSTAN RUGBY заңды тұлғалар бірлестігінің кезектен тыс жалпы жиналысы барысында қазіргі Қазақстан Республикасының Өнеркәсіп және құрылыс министрі Қанат Бисимбайұлы Шарлапаев Федерацияның жаңа президенті болып бірауыздан сайланды», — делінген хабарламада.
Сондай-ақ Қанат Шарлапаевтың тағайындалуы Қазақстанда регбиді танымал ету, жастарды осы спорт түріне тарту және регби қауымдастығында еліміздің халықаралық мәртебесін нығайту үшін жаңа перспективаларын ашатыны айтылған.
Қанат Шарлапаевтың жетекшілігімен Регби федерациясы келесі іс-шараларға назар аударуды көздеп отыр:
• республика бойынша балалар мен жасөспірімдер секцияларының қолжетімділігін кеңейту;
• әлемдік аренада айтарлықтай жетістіктерге жеткен әйелдер командаларына қолдау көрсету;
• мамандандырылған инфрақұрылымды салу және жаңғырту;
• әлеуметтік желілер, медиа жобалар және ауқымды спорттық іс-шаралар арқылы регбиді белсенді түрде насихаттау.
«Қазақстанда регби өз дамуын жалғастырып жатыр. Әсіресе әйелдер құрамасының жетістігі байқалады — ол әлемдік рейтингте 19-шы орында және беделді халықаралық турнирлерде бірнеше рет жеңіске жеткен. Бұл ретте ерлер құрамасы мен жастар құрамасы да халықаралық аренада көрініп келеді», — деп толықтырды министрлік.
Регби федерациясы жастарды қолдап, жаңа ұрпақты салауатты және белсенді өмір салтына тарту үшін жағдай жасай отырып, осы спорт түрін белсенді түрде дамытуды жоспарлап отыр.
Фото: министрлік баспасөз қызметі
https://massaget.kz/news/ministr-kanat-sharlapaev-jana-kyizmetke-tagayyindaldyi-124350/?fbclid=IwY2xjawICAOtleHRuA2FlbQIxMQABHUJP_ReQ5_y2RWu6GtgNQuD1KBFKUagT3QKsD0qUnaqnk996LT7aAPuIkA_aem_zJ14zQZnMj1bnz1LIlIJOw
