Бұл туралы Үкімет отырысында «Отбасы банкі» АҚ басқарма төрағасы Ләззат Ибрагимова мәлімдеді.
«Жыл соңына дейін құны 130 млрд теңге болатын тағы 8812 кредиттік пәтерді бөлу жоспарлануда. Цифрландырудың арқасында біз жыл сайынғы тұрғын үйді бөлу қарқынын үш есеге арттырдық. Салыстыру үшін айтсам: бұрын әкімдіктер жылына 7 мыңға жуық пәтер бөлетін, ал бұл жұмыспен жалпы саны 700 қызметкер айналысатын еді. Отбасы банкінде мұны тек 20 маман ғана шешеді», — деді Ләззат Ибрагимова.
Бір жарым жыл ішінде банктің қолдауымен кезекте тұрған 40 мың отбасы баспаналы болды.
Сондай-ақ, Қазақстанда тұрғын үйді автоматты түрде есепке алу және бөлу үшін orken.otbasybank.kz порталы бар «Тұрғын үймен қамтамасыз ету орталығы» құрылды. Жүйе тұрғын үй кезегінде тұрған азаматтарды орталықтандырылған тәртіпте есепке алып, деректерін автоматты түрде тексереді және қайталанатын мәліметтерді жояды.
shutterstock
