Шағын және орта бизнестің дамуы – экономиканың тірегі

Осы ретте Мәжіліс депутаттары қосымша құн салығын қайта қарастыру мәселесіне қатысты өз ойларын ортаға салды.

«Мемлекет басшысы «Үкіметтің қазіргі ұсынып отырған мөлшерлемесі тым жоғары» екенін ашық айтты. Үкіметке бұл мәселені бизнес өкілдерімен және сарапшылармен бірге талқылап, ортақ шешімге келуді тапсырды. Соңғы күндері әлеуметтік желілерде экономистер мен қоғам белсенділері ҚҚС-ті тіркеу шегін 15 миллион теңгеге дейін төмендетудің болашақ салдары туралы пікір білдіріп, алаңдаушылықтарын негіздеп беруде.  Қалай болғанда да, атқарушы билік пен кәсіпкерлер елдің дамуына қажетті шешімді бірге шығаруы керек. Азаматтық қоғамның белсенділігі осындайда сезіледі. Әрі демократиялық құндылықтар да осылай қалыптасады. Үкімет салық түсімін арттыратын көздерді іздестіргенде халыққа, орта және шағын бизнеске салмақ түсірмеуді басымдық етуге тиіс», – дейді Мәжіліс депутаты, Мәжілістегі «AMANAT» партиясы фракциясының жетекшісі Елнұр Бейсенбаев.

«Президенттің ұстанымы анық:

✅ ҚҚС-тың қазіргі ұсынылған мөлшерлемесі тым жоғары.
✅ Үкімет шешімді нақты есептеулер мен талдауларға сүйене отырып қабылдауы тиіс.
✅ Кәсіпкерлер мен депутаттардың пікірі ескерілуі керек.
✅ Бұл шешім бизнес жүргізуге кедергі келтірмей, қолайлы жағдай жасап, салық тәртібін күшейтіп, бюджет кірісін арттыруы тиіс. Шағын және орта бизнестің дамуы – экономиканың тірегі. Салық реформасы бұл секторды қолдауға бағытталуы керек», – деді Мәжіліс депутаты Асхат Аймағамбетов.

«Қазіргі уақытта қоғамда қызу талқыланып жатқан қосымша құн салығы (ҚҚС) мәселесіне де өз пікірін білдіріп, Үкіметтің ұсынған мөлшерлемесінің тым жоғары екенін атап өтті. Мемлекет басшысы бұл мәселені кәсіпкерлер мен сарапшылармен бірге талқылап, оңтайлы шешім қабылдауды тапсырды. Соңғы күндері экономистер мен қоғам белсенділері ҚҚС-ті тіркеу шегін 15 миллион теңгеге дейін төмендетудің ықтимал салдарына алаңдаушылық білдіріп, өз уәждерін келтіруде.  Басты мақсат – атқарушы билік пен кәсіпкерлердің ортақ мәмілеге келіп, елдің тұрақты дамуына ықпал ететін теңгерімді шешім табуы. Азаматтық қоғамның белсенділігі дәл осындай сәттерде ашық диалог арқылы қалыптасады. Салық саясаты халық пен бизнеске шамадан тыс жүк артпай, әділ әрі тиімді болуы тиіс. Осы ретте Үкімет мемлекеттік кірісті арттыру жолдарын іздегенде, ең алдымен, кәсіпкерлікті дамытуға жағдай жасап, экономиканың өсуіне серпін беруі шарт», – дейді Мәжіліс депутаты Жұлдыз Сүлейменова.