ҚР Төтенше жағдайлар министрлігі Түркістан облысында табылған 6-ыншы турист туралы мәлімет ұсынды.
«Алдын ала мәліметтер бойынша, табылған мәйіт 2004 жылы туған жігіттікі екендігі анықталды. Жоғалған жігіттің әкесі өз ұлының денесін таныды», – деді ҚР ТЖМ-ның баспасөз қызметінен.
Еске салайық, ҚР Төтенше жағдайлар министрлігі 12 маусымда Түркістан облысының тауларында жоғалған 6-ыншы туристің денесі табылғанын мәлім еткен болатын.
28 мамырда 7 адамның 3-еуі табылып, құтқарылды. Ал 29 мамыр күні екі туристің денесі табылды.
Бүгін ҚР ТЖМ ресми өкілі Талғат Уәли қалған екі адамды іздеу жұмыстары жалғасып жатқанын мәлім еткен болатын.
