Мемлекет басшысы Қасым-Жомарт Тоқаевтың бастамасымен іске асып жатқан “Таза Қазақстан” жобасының аясында жақында Жаңатас көпсалалы колледжінде білімгерлер арасында “Бірге — Таза Қазақстан!” эко-ойындар өткізілді.![]()
Сайысқа қоршаған ортаны таза ұстауды мақсат еткен «табиғат жанашырларынан» құралған топтар қатысты.![]()
3 кезеңнен құралған ойында қатысушылар табиғатты қорғау бойынша өз жобаларын ұсыну, табиғат бейнеленген суреттерді күрделі пазл арқылы құрастыру және пластик, металл, қағаз және органикалық заттарды жылдамдықпен сұрыптау бойынша сынға түсті.Шараның қорытындысы бойынша барлық қатысушы топтарға ұйымдастырушылар тарапынан естелік сыйлықтар берілді. Аталмыш шара алдағы уақытта да жалғасын таба бермек.