Аудан әкімі Бақытжан Жәнібеков пен аудан прокуроры Қайыржан Қуатбеков Ескі ауылдық округіндегі жергілікті тұрғындармен кездесті.![]()
Белбасар ауылындағы басқосу барысында тұрғындар бірқатар мәселелерді көтеріп, өздерін толғандырған ойларын ортаға салды.
Тұтастай алғанда, Белбасар ауылы өңіріміздегі өзге ауылдардан көш ілгері тұрғанын айта кеткен жөн. Мұндағы тұрғындардың ұзақ жылдар бойы көтеріп келген мәселесі — мәдениет ошағына қатысты түйткіл болатын. Дегенмен, бұл мәселе биылғы жылы шешімін тауып, қазіргі таңда 100 орындық мәдениет үйінің құрылысы жүргізілуде. Оған қоса, округке қарасты Тасөткел су қоймасы ауылында су жүйелері және су шығару имараты салынды. Белбасар мен Еңбекші ауылдарындағы бірқатар көшелерге жөндеу жұмыстары жүргізілді.
Алайда, кездесу барысында тұрғындар медицина нысанын газға қосу, жерасты суының көтерілуі, қараусыз қалған нысандарды ел игілігіне жарату бойынша ұсыныстарын айтты. Аталған мәселелердің барлығы да бақылауда болады.
