2026 жылдың 17 мамыр күні өткен сайлау нәтижесінде Сәдір Нұрсейт Әсетұлы Ерназар ауылдық округінің әкімі болып сайланды.
Жаңа әкімді ауыл тұрғындарына Жамбыл ауданының әкімі Ерлан Қыдыралыұлы арнайы таныстырып, алдағы қызметіне сәттілік тіледі. Кездесу барысында аудан басшысы ауылдың әлеуметтік-экономикалық дамуы бағытындағы жұмыстардың жалғасатынын атап өтіп, жаңа әкімге халық сенімін ақтау жолында табыс тіледі. Сәдір Нұрсейт Әсетұлы 1997 жылы 25 тамызда Жамбыл облысы, Жамбыл ауданына қарасты Ерназар ауылында дүниеге келген. Ұлты – қазақ. Білімі – жоғары. 2019 жылы Қ.Сәтбаев атындағы Қазақ ұлттық техникалық зерттеу университетін «Мемлекеттік және жергілікті басқару» мамандығы бойынша тәмамдаған. Еңбек жолын 2019 жылдың қазан айында Жамбыл ауданы Ерназар ауылдық округі әкімі аппаратында жастар тәжірибесі арқылы уақытша жұмысшы болып бастаған.2022-2024 жылдары Ерназар ауылдық округі әкімі аппаратының бас маманы; 2024 жылдың мамыр-қыркүйек айлары аралығында Жамбыл ауданы әкімдігінің кәсіпкерлік және өнеркәсіп бөлімінің бас маманы; 2024 жылғы 12 қыркүйектен бастап бүгінгі күнге дейін Жамбыл ауданы әкімі аппараты ұйымдастыру-инспекторлық бөлімшесінде аудан әкімінің бас инспекторы қызметін атқарып келді.
@jambyl.aqparat
