29 шілде күні, Бауыржан Момышұлы ауылындағы 14 балалар-жасөспірімдер спорт мектебінің спорт кешенінде бас бостандығынан айырумен байланысты емес жазаға тартылғандар арасында бұқаралық спорттық жарыс өтті.
Жарысқа Жуалы аудандық пробациясы қызметі есебінде тұрған 25 азамат қатысты.
Іс-шараны Жуалы ауданы әкімдігінің дене шынықтыру және спорт бөлімінің басшысы Мақсұтбек Арзымбетов ашып, өз сөзінде: «Спорт- денсаулық кепілі» деп айтамыз. Ендеше қылмыстың алдын алудың бірден бір жолы- жастардың бос уақытын тиімді өткізу». Бүгінгі спорттық сайыстың мақсаты- пробация қызметі есебінде тұрған азаматтардың бос уақытын пайдалы мақсатқа жұмсау. Пробация қызметі есебінде тұрған азаматтарды қоғамнан оқшауламай, ортаға бейімдеу, салауатты өмір салтын насихаттау, — деп жарысқа қатысушыларға сәттілік тіледі.
Одан кейін сөз алған Пробация қызметінің аға инспекторы Қуат Сарғалтақов мұндай спорттық шараны жиі ұйымдастыру есептегі азаматтардың салауатты өмір салтын ұстанып, жақсы жолға түсуіне ықпал ететіндігін айтып, еңбекпен тәрбиелеу секілді спортпен тәрбиелеуді қатар алып жүрудің де маңызы жоғары, – деді. Жарыс спорттың төрт түрінен (асық ату, қол күресі, гір тасын көтеру, шағын футбол) өтті. Іс-шара жоғары деңгейде өтіп, жарысқа қатысушыларға жақсы көңіл-күй сыйлады.
Жарыстың қорытындысымен Гір тасын көтеруден 1 орынды Үсіпәлі Бұлан жеңіп алса, 2 орынды Ребрушкин Александр иеленді, ал 3 орын Оразалиев Ерланға бұйырды. Қол күресінен 1 орынды Махамбет Мейрамбек жеңіп алса, 2 орынды Бандура Николай иеленді, 3 орынды Ахи Абзал жеңіп алды. Асық атудан 1 орынға Кемелов Нұрқанат жайғасты, 2 орынды Оразбаев Нұрбек жеңіп алса, 3 орынды Диханбаев Әртісбек иемденді.
Жарыс жеңімпаздарына медальдар және арнайы дипломдар табысталды. Сондай-ақ, бірқатар азаматтарға жарысқа белсенді қатысқаны үшін дипломдар берілді.