Шерхан Мұртаза атындағы Халықаралық Тараз университетінің ұйымдастыруымен”Alumni Forum:”Мақсаты ортақ түлектер алаңы” атты түлектер форумы жоғары деңгейде өтті.Форумда ҚР Парламенті Мәжілісінің депутаты,аталған университеттің құрылтайшысы Е.Б.Саурықов,ҚР Ғылым және жоғары білім министрі С.Нұрбек( онлайн режимінде),Университет ректоры М.Н.Сарыбеков сөз сөйледі.Университеттің Endowment қоры салтанатты түрде ашылып,университеттің жұлдызды студенттері марапатталды.
Форум соңы эстрада жұлдыздарының концертіне ұласты.Ашылғанына 18 жыл болған университет бүгінгі күні республика көлемінде өзіндік орны бар,халықаралық байланыстар орнатқан,қос диплом беретін іргелі оқу орны ретінде танымал.
Бір шаңырақ астында білім алған түлектердің бас қосуы,естеліктерді жаңғыртып, жаңа байланыстар орнататын ерекше кездесуге ұласқанын байқадық.Университет ұжымына алдағы мақсаттарына қол жеткізіп,биік белестерді бағындыра берулеріне тілектеспіз!
