Шөңгер — табиғаты көркем, ауасы таза, көпшілік демалуға асығатын әсем таулы аймақ. Бұл өңірде Сұлутөр секілді бірнеше көрікті таулар орналасқан.
Жыл сайын табиғат аясында тынығып, саф ауамен тыныстауды қалайтын тұрғындар мен қонақтар осы жерлерге жиі келеді.
Алайда табиғаттың сұлулығын тамашалауға келген кейбір демалушылардың өздерінен кейін қоқыс қалдырып кететіні өкінішті-ақ. Жуырда аудан әкімі Ернар Есіркеповтің бастамасымен ұйымдастырылған тазалық жұмыстары барысында осыған әбден көз жеткіздік.
«Таза Қазақстан» экологиялық акциясы аясында аудан әкімінің орынбасарлары, бөлім және мекеме басшылары, Құлан ауылдық округ әкімі мен әкімдік қызметкерлері бірлесіп, Шөңгер таулы аймағында сенбілік өткізді. Акция барысында демалыс орындары мен жол бойына шашылған тұрмыстық қалдықтар жиналып, табиғат аясы тазартылды.
Құрметті аудан тұрғындары!
Табиғат – баршамызға ортақ байлық. Сондықтан да біз Сіздерді демалыс кезінде қоқысты арнайы орындарға тастап, қоршаған ортаны таза ұстауға шақырамыз.
