№58 мекемесі бастығының орынбасары және тәрбие бөлімінің бастығымен жеке құраммен жұмыс жөніндегі тобының аға инспекторы Жамбыл облысының тұрғыны, тыл ардагері, еңбек ері Райымбекова Кенескүл әжемізді 1 қазан – Халықаралық қарттар күнімен құттықтап барды.
Кездесу барысында ардагер әжемізге зор денсаулық, ұзақ ғұмыр, отбасына амандық, немере-шөберелерінің қызығын көруді тілеп, арнайы сый-сияпат табыстады.
Кенескүл әжеміз – елдің басынан өткен талай тарихи кезеңнің куәсі болып, маңдай терімен еңбек еткен, кейінгі ұрпаққа өнеге боларлық ғибратты ғұмыры бар ардақты жан. Оның өмір жолы – жас ұрпаққа табандылықтың, еңбексүйгіштіктің және елге деген адал қызметтің жарқын үлгісі.
Іс-шара барысында қарияның өмір жолы мен еңбек тәжірибесі жайлы әңгіме өрбіп, жас ұрпаққа берер ақыл-кеңесі тыңдалды. Қария батасын беріп, ізгі тілегін жеткізді.
Осындай тағылымды кездесулер – аға буын мен кейінгі ұрпақ арасындағы сабақтастықты нығайтып, үлкенге құрмет, кішіге ізет көрсету дәстүрін дәріптеуге бағытталған.
Қариясы бар елдің – қазынасы бар. Үлкендеріміздің ақ батасы мен өнегелі сөзі әрдайым кейінгі ұрпаққа жол көрсетсін!
