Бүгін қаламызда «Антитеррор — 2025» оқу-жаттығу жұмыстары жүргізілді. Іс — шараның негізгі мақсаты құқық қорғау және арнайы органдардың күштері мен құралдарының терроризмнің шартты актісіне шұғыл ден қою және оның жолын кесу, сондай-ақ оның салдарын барынша азайту және жою жөніндегі міндеттерді орындауда тәжірибелік дағдыларын пысықтау болып табылады.![]()
Халықтың қауіпсіздігін сақтауға бағытталған шараға ҚР ҰҚК Жамбыл облысы бойынша Департаменті Терроризмге қарсы орталығы бөлімінің консультанты Ковалев Сергей Владимирович, ҚР ҰҚК Жамбыл облысы бойынша Департаменті Терроризмге қарсы орталығы бөлімінің офицері Мәден Қайырболат Сарымсақбайұлы және Жамбыл облысы ПД Экстремизімге қарсы іс-қимыл басқармасының аса маңызды істер жөніндегі аға жедел уәкілі полиция майоры Жақсыбаев Жандос Мұратұлы қатысты.
Іс-шара туралы құқық қорғау органдарының автокөліктері мен құралдарының қозғалысы, сондай-ақ қаланың жекелеген көшелері мен учаскелерінде уақытша жол жабылуы туралы тұрғындарға алдын ала хабарландырылған.
Антитеррорлыққа қарсы дайындық жұмыстары елдің қауіпсіздігі үшін аса маңызды шара екені анық. Аталмыш шара алдағы уақытта да жалғасын табады.
